বিনিয়োগ পৰিকল্পনাৰ বিষয়ে জনাটো কিয় গুৰুত্বপূৰ্ণ ?
আজি বজাৰত বহু বিনিয়োগৰ পৰিকল্পনা উপলব্ধ। কোনটো আপোনাৰ বাবে উপযুক্ত সেইটো জনাটো অতি প্ৰয়োজনীয়। যিসকলে সামান্য ধনেৰে আৰম্ভ কৰি ভৱিষ্যতে বৃহৎ পুঁজি গঢ়িব বিচাৰে তেওঁলোকৰ বাবে মিউচুৱেল ফাণ্ডত এছ আই পি (Systematic Investment Plan) আটাইতকৈ উপযুক্ত বিকল্প হিচাপে বিবেচিত হয়।
মিউচুৱেল ফাণ্ড এছআইপিৰ পৰা কেনেকৈ লাভৱান হ’ব ?
SIP হৈছে এটা বিনিয়োগ পদ্ধতি য’ত আপুনি নিয়মীয়াকৈ মিউচুৱেল ফাণ্ডত নিৰ্দিষ্ট পৰিমাণৰ ধন বিনিয়োগ কৰে। ইয়াৰ আটাইতকৈ গুৰুত্বপূৰ্ণ বৈশিষ্ট্য হ’ল আপুনি মাহে মাত্ৰ ২৫০ টকা বা ৫০০ টকাৰে আৰম্ভ কৰিব পাৰে। লাহে লাহে আপোনাৰ আয় বৃদ্ধিৰ লগে লগে আপুনি আপোনাৰ বিনিয়োগৰ পৰিমাণ বৃদ্ধি কৰিব পাৰে। বজাৰ বিশেষজ্ঞসকলৰ মতে SIP'য়ে দীৰ্ঘম্যাদীভাৱে গড় বাৰ্ষিক ১২ শতাংশ পৰ্যন্ত লাভ দিব পাৰে।
২০০০ টকাৰ এছ আই পিয়ে ১.৫৯ কোটি টকাৰ ফাণ্ড সৃষ্টি কৰিব পাৰে !
যদি আপুনি প্ৰতিমাহে ২০০০ টকাৰ SIP আৰম্ভ কৰি নিয়মিতভাৱে ৩০ বছৰ ধৰি চলাই থাকে, একে সময়তে প্ৰতি বছৰে বিনিয়োগৰ পৰিমাণ ১০ শতাংশ বৃদ্ধি কৰে, তেন্তে আপুনি প্ৰায় ১.৫৯ কোটি টকাৰ ফাণ্ড সৃষ্টি কৰিব পাৰে। মাজভাগত বিনিয়োগ বন্ধ নকৰি ধৈৰ্য্য ধৰিলেহে এই সুবিধা উপলব্ধ হ’ব। SIP'ৰ আটাইতকৈ ডাঙৰ সুবিধাটো হ’ল আপুনি যিমানেই সোনকালে আৰম্ভ কৰিব সিমানেই কম্পাউণ্ডিঙৰ সুবিধা বেছি হ’ব।
দীৰ্ঘম্যাদী বিনিয়োগ কিয় উপকাৰী !
SIP'ৰ প্ৰকৃত সুবিধা সময়ৰ লগে লগে স্পষ্ট হৈ পৰে। নিয়মিতভাৱে কম পৰিমাণৰ বিনিয়োগ কৰিলে কম্পাউণ্ডিঙৰ প্ৰভাৱৰ জৰিয়তে যথেষ্ট লাভ হ’ব পাৰে। ই বিনিয়োগ অনুশাসন শিকায় আৰু বজাৰৰ উঠা-নমাক ভয়তকৈ দীৰ্ঘম্যাদী সুযোগ হিচাপে চোৱাৰ ধাৰণাটো শিকায়।
